ଲକ୍ଷ୍ମୀ ଚାନ୍ଦ ଓଡ଼ିଆ କଥାସାହିତ୍ୟର ଅନ୍ୟତମ ପୋଖତ ହାତ। ଘଟଣାର ମଂଜକୁ ଯାଇ ସେ ଦରାଣ୍ଡିନିଅନ୍ତି ଗଳ୍ପର ଭ୍ରୂଣ। ଚରିତ୍ରର ଚେରରେ ସର୍ଜନାର ଖଣିଜ ଦେଇ ସେ ତାକୁ ବଢ଼ାଇପାରନ୍ତି ହୃଷ୍ଟପୁଷ୍ଟ କରି। ସେଥିପାଇଁ ତାଙ୍କ ଗଳ୍ପଗୁଡ଼ିକରେ ଜନଜୀବନର ପ୍ରତିବିମ୍ବ ଦିଶେ; ସମୟର ସ୍ବର ଶୁଭେ; ଆସ୍ଥା ଓ ଅସ୍ତିତ୍ବର ମହକ ଚହଟେ। ସତ କହିବାକୁ ଗଲେ ଲକ୍ଷ୍ମୀ ଚାନ୍ଦ ଗପ ଲେଖନ୍ତି ନାହିଁ, ବରଂ ଗପମାନେ ଲେଖେଇ ନିଅନ୍ତି ନିଜକୁ ତାଙ୍କ ହାତରେ। ଗପମାନେ ଚୋରି କରନ୍ତି ତାଙ୍କ ସମୟ! ପଦାରେ ପକାନ୍ତି । ହଟହଟା କରନ୍ତି ଆଉ ଅସହାୟ ହୋଇ ଲେଖିକା ଲେଖିବସନ୍ତି ସେ ଗପ। ଦୀର୍ଘ ତିନି ଦଶନ୍ଧି ଧରି ଗଳ୍ପ ରଚନାରେ ସକ୍ରିୟ ଥିବା ଲକ୍ଷ୍ମୀ ଚାନ୍ଦଙ୍କ ‘ଅକଡ଼’ ଆପଣଙ୍କୁ ଟିକେ ନୂଆପ୍ରକାର ସ୍ଵାଦ ଦେବ, ଏହା କହିବାରେ ଦ୍ଵିଧା ନାହିଁ। - ସରୋଜ ବଳ