ପ୍ରତିଟି ମଣିଷର ମନ ଭିତରେ ଥାଏ ଗୋଟିଏ ନିବୁଜ କୋଠରି। ଅନ୍ୟ କାହାରି ପଶିବାର ଉପାୟ ନାଇଁ। ସେଇ ନିବୁଜ କୋଠରିରେ ଏକାଏକା ମଣିଷଟି ନିସଂକୋଚରେ ନିର୍ବସ୍ତ୍ର ହୁଏ। ଅନ୍ତର୍ମନର ଆଇନାରେ ଦେଖେ ନିଜକୁ। ନିଜର ଖାଲ ଢିପ ଭରା ଦେହ, ସୌନ୍ଦର୍ଯ୍ୟ ଓ ଅସୌନ୍ଦର୍ଯ୍ୟକୁ। ସେଇ ନିବୁଜ କୋଠରିରେ ନିଜେ ନିଜର ପାପ-ପୁଣ୍ୟର ନିରବ ଦର୍ଶକ ସାଜେ। ମାନବୀୟ ଆବେଦନ, ସମ୍ବେଦନଶୀଳତା, ଅନ୍ତଃ ଦର୍ଶନ ପାଇଁ ପ୍ରସିଦ୍ଧି ପାଇଥିବା ଲେଖିକା ସରୋଜିନୀ ସାହୁଙ୍କର କାବ୍ୟିକ ଉପନ୍ୟାସ ‘ଗମ୍ଭୀରି ଘର’ ସେଇ ନିବୁଜ କୋଠରିର କାହାଣୀ, ଯାହା ଆମ ସମସ୍ତଙ୍କର।